रामेछाप– स्थानीय निकायमा आफ्नो सरकारको आडमा नेपाल कम्युनिष्ट पार्टीका कार्यकर्ताले राज्य कोषको दुरुपयोग गरेको आवाज उठिरहेको बेला रामेछापमा सरकारी गाडीमा कम्युनिष्ट पार्टीका कार्यकर्ताले निजी सामान बोक्न प्रयोग गरेको घटना सार्वजनिक भएको छ ।
शनिबार वा सार्वजनिक विदाको दिन कुनै पनि सरकारी गाडी चलाउन नपाउने सरकारको निर्णयलाई चुनौती दिदै जिल्ला समन्वय समिति 
रामेछापका प्रमुख प्रेमबहादुर खड्का चढ्दै आएको सवारी साधनको दुरुपयोग गरिएको छ ।
सार्वजनिक विदाको दिन शनिबार बिहान प्रमुख खड्काले प्रयोग गर्दै आएको वा १ झ ९४०७ नम्वरको गाडी पूर्व एमाले पार्टी निकट अनेमसंघकी केन्द्रिय सदस्य शान्ता सापकोटालाई दशैको लागि निजी सामान लिएर घर पठाएका थिए ।
घरमा प्रयोग गर्ने सिरक, डस्ना, चामल, चिउरा लगायतका सामाग्री लिएर सदरमुकाम मन्थलीबाट सापकोटाको रामेछाप नगरपालिका वडा नं १ गोठगाउँ स्थित घर जादै गरेको सरकारी गाडी मन्थलीको देवकोटा चोकमा ट्राफिक प्रहरीले सामान सहित गाडी नियन्त्रणमा लिएको थियो ।
यस अघि पनि प्रमुख खड्काले विभिन्न समयमा आफ्ना नेता र कार्यकर्ताहरुको सुविधाका लागि राजधानी काठमाण्डौं र जिल्ला बाहिर र भित्रका बिभिन्न ठाउँहरुमा समेत सरकारी गाडी पठाउँने गरेको कुरा सामाजिक सञ्चालमा आउने गरेको थियो ।
पार्टी कार्यकर्ताले निजी सामान बोकेको गाडी ट्राफिक प्रहरीले नियन्त्रणमा लिएपछि सरकारी गाडीको दुरुपयोग भएको भन्दै ब्यापक विरोध भइरहेको छ ।
गाडी नियन्त्रणमा लिएपछि ट्राफिक प्रहरी प्रमुख रामेश्वर पाण्डेले सरकारी नियमको बेवास्ता गर्दै सरकारी गाडी व्यक्तिको सुविधाको लागि प्रयोगमा ल्याउन दुःखदायी कुरा भएको बताए ।
दुर्घटना भवितव्य र सरकारी कामको सिलसिलामा बाहेक बिदाको दिनमा सरकारी गाडी चलाउने छुट कसैलाई छैन् पाण्डेले भने । जिल्ला समन्वय समितिको प्रमुख जस्तो व्यक्तिले चढ्दै आएको गाडी सार्वजनिक विदाको दिन निजी सामाग्री सहित नियन्त्रणमा लिनुपर्दा आफुलाई दुःख लागेको पनि उनले बताए ।
जिल्ला समन्वय समिति रामेछापका प्रमुख प्रेमबहादुर खड्काले भने आपूm चढ्दै आएको गाडी दूरुपयोग भएको विषयमा आपूmलाई जानकारी नभएको बताए । उनले भने– यस बारेमा मलाई कुनै पनि जानकारी छैन् । गाडी चालकको तजविजले लगेको हुनसक्छ । यदि यसरी प्रयोगमा ल्याएको हो भने यो गलत काम हो उनले भने ।