बाल दिवसमा विपन्न र अशक्त परिवारलाई सहयोग

मङ्लबार, भदौ ३०, २०७७ | onlinenews

Share this

तिलक कार्की

३० भदौ, रामेछाप–बाल दिवसको अवसर पारेर सुनापति गाउँपालिका–५ खनियापानीमा विपन्न तथा अशक्त परिवारलाई राहत वितरण गरिएको छ । सुनापति बाल क्लब सञ्जाल, वडाध्यक्ष र साहारा युवा क्लबले शैक्षिक सामाग्री तथा दैनिक उपभोग्य बस्तु सहयोग गरेको हो ।
अशक्त बुबा अनि मानसिक सन्तुलन गुमाएकी आमा सहित ८ जना परिवार सदस्य रहेका हातिखोलाका नरबहादुर श्रेष्ठको परिवारलाई सहयोग गरिएको हो । सुनापति बाल क्लब सञ्जालका सदस्यहरुले व्यक्तिगत रकम जम्मा गरी कपि, कलम, ज्यामिति बक्स, पेन्सिल जस्ता शैक्षिक सामाग्री सहयोग गरेको हो ।

त्यसैगरी ५ नं. वडाका वडाध्यक्ष ठुलोकान्छा तामाङले २ बोरा चामल, साहारा युवा क्लबबाट २ बोरा चामल, १ बोरा चिउरा, १० किलो दाल, ५ केजी मस्यौरा, २ केजी चिनी, २ कार्टुन सावुन, १ कार्टुन खाने तेल, ५ प्याकेट नुन सहयोग गरेका थिए । सुनापति बाल क्लब सञ्जालका राजेश मानन्धरले परिवारको दयनीय अवस्था देखेपछि साहारा युवा क्लबसँग छलफल गरी सहयोग जुटाएको कोषाध्यक्ष राजकुमार मानन्धरले बताए ।