२९ साउन २०७४
त्रिभुवन अन्तराष्ट्रिय विमानस्थलभित्र प्रवेश गर्न सक्ने जंगली जनावरको निगरानीका लागि सेक्यूरिटी गार्ड खटाइएको खबर आजको नयाँ पत्रिकामा छ ।
जंगली जनावरलाई विमानस्थल क्षेत्रभित्र प्रवेश रोक्ने र मानवीय गतिविधिमा समेत निगरानी गर्ने उद्देश्यले विमानस्थलमा गरुड रेक्यूरिटीबाट ५ जना सुरक्षा गार्ड खटाइएको विमानस्थलका महाप्रबन्धक देवानन्द उपाध्ययले जानकारी दिए ।
यी सुरक्षा गार्डले शनिबारबाटै काम थालेका छन् । भुस्याहा कुकुर र बाँदर नियन्त्रण तथा व्यवस्थापनमा महानगरपालिका, नेपाली सेना, प्रहरीको समेत सहयोग नपाएपछि विमानस्थलमा आफैंले सेम्यूरिटी गार्ड खटाउने निर्णय गरिेको थियो ।
उपत्यका भित्र भुस्याहा कुकुर ब्यवस्थापनको जिम्मेवारी महानगरपालिकाको भए पनि विमानस्थलजस्तो संवेदनशील क्षेत्रमा समेत कुकुर सजिलै प्रवेश गर्छन् ।
चरा धपाउन ५ सिकारी
यसअघि विमानस्थलको धावनमार्गसहित भित्री भागमा चरा र बाँदर धपाउन ५ जना सिकारी खटिएका छन् । यी कर्मचारी वन मन्त्रालयबाटै विमानस्थलमा खटिएका हुन् ।
अहिले खटिएका गार्डले भने विमानस्थलको बाहिरी क्षेत्रबाटै भुस्याहा कुकुर र बाँदरको प्रवेश रोक्नेछन् ।