रामेछाप– यही मंसिर १० गते हुने पहिलो चरणको प्रदेश तथा प्रतिनिधिसभा निर्वचनमा खटिएका रामेछाप जिल्लाका कर्मचारीहरु बिहीबार बेलुकासम्म सबै मतदान केन्द्रहरुमा पुग्ने मुख्य निर्वाचन अधिकृतको कार्यालय रामेछापले जनाएको छ ।
टाढा र दुर्गम क्षेत्रको मतदान केन्द्रमा खटिएका कर्मचारी सदरमुकामबाट बिहीबार नै हिडीसकेको र बिहीबार बेलुकासम्म जिल्लाभरीका सबै मतदान केन्द्रहरुमा कर्मचारी पुगिसक्ने मुख्य निर्वाचन अधिृकतको कार्यालय रामेछापले जानकारी दिएको छ ।
२ नगरपालिका र ६ गाउँपालिका रहेको रामेछापमा ६४ वटा वडाहरु रहेका छन् । एक प्रतिनिधिसभा र दुई प्रदेशसभा रहेको रामेछापमा ९० मतदान स्थल र १ सय ९१ मतदान केन्द्र रहेका छन् ।
जिल्लाको प्रदेशसभा ‘क’ मा ७३ हजार १ स ७६ र प्रदेशसभा ‘ख’ मा ७९ हजार ३ सय ८९ मतदाता रहेको रामेछापमा कुल १ लाख ५२ हजार ५ सय ५९ मतदाता रहेका छन् ।
निर्वाचन सुरक्षाको लागि जिल्लामा नेपाली सेना, नेपाल प्रहरी, शसस्त्र प्रहरी, राष्ट्रिय अनुसन्धान र म्यादी प्रहरीसहित २ हजार २ सय ५० सुरक्षाकर्मी खटाएको छ । त्यसैगरी १ हजार ५ सय २८ जना बुथका लागि कर्मचारी खाटइएको मुख्य निर्वाचन अधिकृतको कार्यालय रामेछापले जनाएको छ ।
