१२ वर्षिय बालिकालाई २१ घण्टासम्म बाँधेर यातना

रामेछाप । मन्थली नगरपालिका–६ भलुवाजोरमा १२ वर्षिय बालिकालाई २१ घण्टासम्म घरको थाममा नाम्लोले बाँधेर यातना दिइएको छ । दलित बालिका घरभित्र प्रवेश गरेको भनि २१ घण्टासम्म नाम्लोले बाँधेर याताना दिएको हो । स्थानीय शेरबहादुर श्रेष्ठले आफ्नो घरमा दलित प्रवेश गरेको भनि छिमेकी १२ वर्षिय बालिकालाई यातना दिएका हुन् ।
सोमबार अपरान्ह ४ बजेदेखि मगलबार मध्यान्न १२ बजेसम्म श्रेष्ठले अवोध बालिकालाई बाँधेर याताना दिएका थिए । स्थानीय जनप्रतिनिधिले बालिकालाई छोडिदिन अनुरोध गर्दा समेत दलित घरभित्र पसेर अछुतो बनाइदिएकाले घर चोख्याउने खर्च नदिएसम्म नछोड्ने भन्दै बाँधेर राखेका थिए । नेपाली थरकी दलित बालिकाले घरभित्र पसेर दही चोरेकोले बाँधर राखिएको श्रेष्ठको भनाई थियो । आपूmले बालिकालाई छोडिदिन अनुरोध गर्दा घर अछुतो भएकाले घरको जिम्मा दिनुपर्ने, रुद्रिपूजा लगाइदिनुपर्ने भन्दै छोड्न नमानेको मन्थली नगरपालिका वडा न.. ६ की सदस्य भक्तमाया श्रेष्ठले बताइन । बालिकालाई बाँधेर राखेको सूचनाको आधारमा घटनास्थल पुगेका प्रहरीले बालिकालाई बाँधेको नाम्लो खुस्काउन लगाएका थिए । प्रहरीले खुस्काउन भनेपछिमात्र बालिकालाई बाँधेको नाम्लो घरधनी बालकुमारी श्रेष्ठले फुकाइदिएकी थिइन ।
बालिकालाई बाँधेर राखेको खबर पाएपछि हेर्न जाँदा हात, कम्मर र खुट्टामा बाधेर बस्न समेत अफ्टेरो हुनेगरी राखिएको अवस्थामा देखेको पीडित बालिकाका ठूलोबुबा सार्के नेपालीले बताए । उनले छोड्न अनुरोध गर्दा घर चोख्यान, रुद्रिपूजाको गर्न लाग्ने खर्च नदिएसम्म नछोड्ने भनेपछि गाउँलेलाई घटनाको बारेमा जानकारी गराइएको नेपालीले बताए । घरको थाममा बाँधेर सिस्नु लगाउँदै, लौरोले कुटपिट गरेको पीडित बालिकाले गुनासो गरिन । बाँधेर राखिएकाले राति शौचालय जानसमेत अप्ठ्यारो भएको उनले बताइन । पीडित बालिकाको अनुसार शौचालय जाँदा समेत घर धनीले बाँधेर नै लगेका थिए । दुई दिन पहिलेमात्र रजस्वला भएकी बालिकालाई २१ घण्टासम्म घर बाहिर बाँधेर राख्दा उनको शरीरमा भिंmगा भन्किरहेको थियो ।
बालिका कक्षा ४ मा अध्ययनरत रहेको र विद्यालयको इमान्दार छात्रा भएको शिक्षक प्रलाद सुवेदीले बताए । जातीय छुवाछुतलाई नेपालको संविधानले समाजिक अपराधको रुपमा किटान गरेको छ । जातीय छुवाछुत साथै नाबालिकलाई यातना दिने पीडक शेरबहादुर श्रेष्ठलाई भने प्रहरीले नियन्त्रणमा लिएको छ । श्रेष्ठमाथि अनुसन्धान थालिएको जिल्ला प्रहरी कार्यालय रामेछापले जानकारी दिएको छ ।