प्राविधिक नजाँदा भूकम्प प्रभावितले पाएनन् घर बनाउन

२८ जेष्ठ २०७४ रामेछाप–विनासकारी भूकम्प गएको २७ महिना वितिसक्दा पनि रामेछाप जिल्लाको खाँडादेवी गाउँपालिका–४ रजगाउँमा प्राविधिक नपुग्दा अझैसम्म आवास निर्माणको काम सुरु हुन सकेको छैन ।
निजी आवास निर्माणको लागि सरकारले दिने भनेको अनुदानको पहिलो किस्ता वापतको ५० हजार रुपैयाँ लिए पनि राज्यले निर्धारण गरेको भूकम्प प्रतिरोधी गरेको नक्सा र प्राविधिक नआउँदा घर निर्माण गर्न नपाएको भूकम्प प्रभावितको गुनासो छ ।
१ सय २५ घर मध्ये १ सय २३ घर माझी समुदायको बसोबास रहेको रजगाउँमा २०७२ वैशाख १२ र १३ गतेको भूकम्पले ७० घरमा पूर्णरुपमा क्षति पु¥याएको थियो ।
भूकम्प गएपछि निरीक्षणको क्रमम पुगेका प्राविधिकले सो बस्तीमा घर निर्माणको लागि योग्य जमिन नभएको बताए पनि त्यसपछि प्राविधिक फर्केर नआएको स्थानीय सुन्दर माझीले बताए ।
जिल्ला दैवि प्रकोप उद्धार समितिले सो बस्ती स्थानान्तरण गर्नपर्ने बताए पनि अहिलेसम्म कुनै पहल नहुँदा आपूmहरु घर कहाँ बनाउने भन्ने अन्योलमा रहेको अर्का स्थानीय मानबहादुर माझीले बताए ।
तामाकोसी नदीको किनारमा रहेको माझी बस्ती निकै होचो भू–भागमा रहेको र बालुवामाथि बस्ती रहेकाले पुनः यही ठाउँमा घर बनाउन हुने नहुेनबारे सल्लाह निल प्राविधिक कुर्दाकुर्दै दुई वर्ष वितेको उनले बताए ।
प्राविधिक नआएका कारण घर पहिलाकैजस्तो बनाउने हो वा नयाँ नक्सा अनुसार निर्माण गर्ने भन्ने अलमलमा परेको स्थानीय बताउँछन् । सुन्दर माझीले भने– प्राविधिक भेट्न जान पनि उनीहरु कहाँ बस्छन् थाहाँ छैन, नापजाँच नगरि घर बनाउँदा घर पास नहोला भन्ने डरले घर बनाउँन सकेका छैनौं ।
प्राविधिक नआएको कारण आवास निर्माणको लागि लिएको ५० हजार रुपैयाँ बैंकमा राखेर आपूmहरु पालमुनी बास्न बाध्य भएको कल्पना माझीले बताइन । प्राविधिक आएर नाप जाँच गरिदिए तत्कालैै घर बनाउने सोचमा छौं उनले भनिन् ।
 भूकम्प गएको २७ महिनासम्म पनि रजगाउँको माझी बस्तीमा प्राविधिक नभएको बारेमा जिज्ञासा राख्दा शहरी विकास तथा भवन निर्माण विभाग डिभीजन कार्यालय रामेछापका प्रमुख अमरबहादुर थापाले जिल्लाका २ नगरपालिका र ६ गाउँपालिकाको सबै वडाहरुका लागि प्राविधिक खटाइएको बताए ।
रजगाउँमा प्राविधिक नपुगेको कुरा पत्रकार मार्फत जानकारी पाएको भन्दै सो बस्तीमा तत्कालै प्राविधिक पठाउने पनि उनले बताए ।
दुई बर्खाको भलबाढी र दुई हिउँदको चिसो पालमुनी काटिसकेका रामेछापको खाँडादेवि गाउँपालिका ४ का भूकम्प प्रभावित, विपन्न माझी समुदायको २०७४ को बर्खा पनि पालमुनी नै वित्ने पक्का भएको छ ।
आउँदो बर्खा त पालमनी वित्ने निश्चितै छ, राज्यको ध्यान नपुग्ने हो भने कम्जोर आर्थिक अवस्था भएका माझी समुदायले अझै कति समय पालमुनी काट्नु पर्ने हो निश्चित छैन ।