संविधान दिवसको अवसरमा मैत्रीपूर्ण भलिबल प्रतियोगिता
मङ्लबार, अशोज १, २०८१
२१ चैत्र, रामेछाप– दोरम्बा गाउँपालिका–४ का वडा अध्यक्ष चन्द्रबहादुर मगर ‘टलक’ ले वडाबासीलाई कोरोनाबाट धेरै नआत्तिन तर सजग बन्न अपिल गरेका छन् । गौश्वारामा कोरोना संक्रमित ब्यक्ति आएको भन्ने कुराले बडाबासीमा त्रास छाएको भन्दै त्रसित नहुन तर सतर्क रहन अध्यक्ष मगरले वडाबासीमा अनुरोध गरेका हुन् ।
फ्रान्सबाट आएकी कोरोना संक्रमित युवती बास बसेको होटलमा काम गर्ने गौश्वारका एक स्थानीय गाउँ आएपछि त्यहाँका स्थानीय निकैनै त्रसित भएका थिए ।
उनलाई अहिले पनि क्वारेन्टाइनमै राखिएको छ । क्वारेन्टाइनमा बसेको २ हप्तासम्म उनमा कोरोनाको लक्षण केहीपनि नदिएको भन्दै वडा अध्यक्ष मगरले वडाबासीलाई नआत्तिन आग्रह गरेका हुन् । तर, कोरोना संक्रमण कुनै पनि बेला फैलिन सक्ने भएकाले सतर्क रहन भने स्थानीयलाई आग्रह गरेका छन् ।
कोरोना संक्रमित बास बसेको होटलमा काम गर्ने ब्यक्ति गाउँमा आएको भन्ने हल्लाले वडाबासीमा ठूलो आतंक सिर्जना भएको थियो तर उहाँले काम गरेको होटलमा कोरोना संक्रमित ब्यक्ति नबसेको पाइएको छ । र उहाँमा अहिलेसम्म कोरोनाको कुनै पनि लक्षणहरु देखिएको पनि छैन मगरले भने । उहाँमा कोरोना संक्रमण नभएको भए पनि कुनै पनि बेला कोरोना संक्रमण हुन सक्ने भएकाले बाहिरबाट आउने ब्यक्तिहरुसँग सतर्क रहन म वडाबासीमा अपिल गर्न चाहन्छु वडा अध्यक्ष मगरले भने ।
वडा कार्यालयले प्रवाह गर्ने सेवा बन्द गरिए पनि वडाबासीमा त्रास कम होस् भन्ने उद्देश्यले आपूm वडा कार्यालयमा आएर बस्ने गरेको पनि मगरले बताए ।
वडाले ५ बेडको क्वारेन्टाइस तयारी गरेको समेत अध्यक्ष मगरले जानकारी दिए । भांगेटार स्वास्थ्य इकाइमा २ बेड र पासीबन स्वास्थ्य चौकीमा ३ बेडको क्यारेन्टाइन निर्माण गरिएको भन्दै आवश्यक परे तत्कालै ३० बेडसम्मको क्वारेन्टाइन वडाले ब्यवस्था गर्न सक्ने अध्यक्ष मगरले जानकारी दिए ।