निर्वाचनमा पत्रकार परिचयपत्रको आधारमा समाचार संकलन गर्न पाउने: आयोग

मङ्लबार, असार १३, २०७४ | onlinenews

१३ असार २०७४ काठमाडौं

दोस्रो चरणको स्थानीय तहको निर्वाचनमा सञ्चारकर्मीहरुले पत्रकार परिचयपत्रको आधारमा समाचार संकलन गर्ने व्यवस्था गरिएको निर्वाचन आयोगले जनाएको छ । सबै सञ्चारमाध्यमका पत्रकार÷फोटो पत्रकारहरुले सूचना विभागबाट प्राप्त परिचयपत्रको आधारमा मतदान तथा मतगणना केन्द्रको समाचार संकलन गर्न सकिने व्यवस्था रहेको छ । स्थानीय तहको मतदान र मतगणनाका दिन सम्बन्धित मुख्य निर्वाचन अधिकृत, निर्वाचन अधिकृत, मतदान अधिकृत र मतगणना अधिकृतको अनुमतिका आधारमा मात्र सम्बन्धित केन्द्रको समाचार संकलन, छायांकन र तस्वीर लिन सकिने व्यवस्थासमेत रहेको आयोगका प्रवक्ता तथा सहसचिव सूर्यप्रसाद शर्माले जनाएका छन् ।