पहिरो पीडितलाई रेडक्रसद्धारा राहत प्रदान
शनिबार, भदौ २२, २०८१
१९ असार २०७४ रामेछाप
असार महिनाको १५ वितिसक्दा पनि पानी नपरेपछि रामेछाप जिल्लाको मन्थली नगरपालिका अन्तर्गत सालुका स्थानीयले कोटी होम गरेका छन् । रोपाई गर्न नपाएर आत्तिका कृषकहरुले कोटी होम गर्दा पानी पर्छ भन्ने पौराणिक मान्यताअनुसार सामूहिक कोटी होल लगाएका हुन् ।
मन्थली नगरपालिका–४ का रामबहादुर काफ्लेका अनुसार वर्षाको समयमा पनि पानी नपरेपछि मन्थली–४ सालु च्याउँकेठाटीका स्थानीले ११ जना पुरोहित पढाएर सामूहिक पूजा गरी कोटि होम गरेका छन् ।
अघिल्ला वर्षहरुमा असार १५ मा रोपार्इँ सकिने ओख्रेनी फेदिमा रहेको साझेबगर, मन्थली नगरपालिका सालु ४ र सुनारपानी नजिकैको सल्ले, घ्याप्चेको मुहान र रणजोर खोलाको पानीले सिँचाई गर्ने मन्थली बेसी लगायतका ठाँउहरुमा यस वर्ष रोपाई सुरु समेत हुन सकेको छैन ।
पानी नपर्दा धानको बिउ समेत ब्याडमै सुकेर गइसकेको छ । जेठ र वैशाखमा सामान्य पानी परे पनि असार महिनामा पानी नपरेको कोटिहोममा सहभागि अर्का स्थानीय तुलसीराज काफ्लेले बताए ।
भूकम्पपछि घर निर्माण गर्न पानी कुरेर बसेकाहरुलाई भने खेती भन्दा पनि घर बनाउने चिन्ताले सताउन थालेको छ ।
पानी पर्ला र घरको जग राख्न सुरु गरौंला भन्नेहरु पनि होममा सहभागि भएको बिमल काफ्लेले हाम्रो अनलाइनलाई जानकारी दिए ।