पहिरो पीडितलाई रेडक्रसद्धारा राहत प्रदान
शनिबार, भदौ २२, २०८१
नेपाली काङ्ग्रेसमा धर्मनिरपेक्षता र गणतन्त्रको सबैभन्दा ठूला प्रवक्ता मानिने कृष्णप्रसाद सिटौला र विमलेन्द्र निधि दुवैले पराजय भोगेका छन् । आजको घटना र विचार साप्ताहिकमा खबर छ ।
काङ्ग्रेस पार्टीलाई गणतन्त्र र धर्मनिरपेक्षताको पक्षमा लैजान विशेष भूमिका निर्वाह गर्नेहरूमा नरहरि आचार्य, कृष्ण सिटौला, विमलेन्द्र निधि, रामचन्द्र पौडेल र गगन थापा थिए । नरहरि आचार्य अस्वस्थ भएका कारण उनी उम्मेदवार बन्न सकेनन् ।
उम्मेदवार बनेकाहरूमध्ये रामचन्द्र पौडेल, विमलेन्द्र निधि र कृष्ण सिटौला गणतन्त्र स्थापनापछिको पहिलो निर्वाचनमा पराजित हुन पुगेका छन् भने काठमाडौं चार नम्बर निर्वाचन क्षेत्रबाट गगन थापा झिनो मतान्तरले विजयी बनेका छन् ।
स्मरणीय छ गगनले गणतन्त्रको वकालत गरे पनि उनको भूमिका नीतिगत एवम् निर्णायक तहमा नभई सडकमा सीमित थियो ।
निर्णायक तहमा रहेर मुख्य भूमिका निर्वाह गर्ने रामचन्द्र पौडेल, कृष्ण सिटौला र विमलेन्द्र निधि तीनैजना पराजित भएका छन् ।