कृषि विकास कार्यालयको खर्च जम्मा २० प्रतिशत
आइतवार, जेष्ठ ६, २०८१
रामेछाप– बागमती प्रदेश मुख्यमन्त्री शालिकराज जम्कटेलले अहिले संघीयता आवश्यक छैन भन्ने बहस उठान गर्न खोजिएको भन्दै त्यो स्वीकार्य नभएको बताए । प्रदेश सरकार चाहिँदै भन्ने कोणबाट पनि बहस भइरहेको छ, त्यसलाई जनताले स्वीकार गरेका छैनन् र स्वीकार गर्नु पनि हुँदैन मुख्यमन्त्री जम्कट्टेलले भने ।
संघीयता राजनीतिक, सामाजिक, आर्थिक र विकासमा विभेद भएका देशहरुमा एकीकृत र केन्द्रिकृत राज्यको अधिकारलाई राज्य पुनर्संरचना मार्फत तल्ला सरकारहरुलाई दिन संघीयता लागू गरिने भन्दै नेपालको सन्र्दभमा संघीयता सही र आवश्यक रहेको बताए ।
२०७२ अघिको कुनै पनि संविधानले नेपालको समाज अनुसारको राज्य व्यवस्था दिन नसकेको सकेको थिएन । १० वर्षे जनयुद्ध, १९ दिने जनआन्दोलन र मधेस आन्दोलन लगायतका आन्दोलनहरुको प्रतिफल संघीयता हो । प्रदेश सरकार नरहे स्थानीय सरकार पनि रहँदैन ।
२०७२ अघिको कुनै पनि संविधानले नेपालको समाज अनुसारको राज्य व्यवस्था दिन नसकेको उनको भनाइ छ । १० वर्षे जनयुद्ध, १९ दिने जनआन्दोलन र मधेस आन्दोलन लगायतका आन्दोलनहरुको प्रतिफल संघीयता भएको भन्दै प्रदेश सरकार नरहे स्थानीय सरकार पनि नरहने मुख्यमन्त्री जम्कट्टेलले बताए ।
केही मनिसहरुले सजिलै भन्छन् प्रदेश खारेज गरौँ स्थानीय सरकार मात्र राखौँ, प्रदेश सरकार रहेन भने संघीय सरकार पनि यही रुपमा रहँदैन र स्थानीय सरकार पनि रहँदै, पहिलाकै गाविसहरुको संरचनामा जान्छ । उनले भने यो संघीयता विरोधी र विकास विरोधीहरुले उठाएको कुरा हो । सामन्ति, विकास विरोधी तत्व, र राजतन्त्रका मतियारहरुले अध्याँरो कोठामा बसेर यो व्यवस्था विरुद्धमा षड्यन्त्र गरिरहेका छन् त्यो हामीलाई स्वीकार्य छैन जम्कटेलले भने । उने भने –‘यो ब्यवस्था समान्य जनआन्दोलनबाट आएको होइन, १० वर्षे जनयुद्ध र १९ दिने जनआन्दोलन लगायतका आन्दोलनहरुबाट प्राप्त भएको हो । यो धेरै ठूलो, त्याग, तपस्या र बलिदानबाट आएको व्यवस्था हो, त्यसैले विकास गर्न हामीलाई संघीयता चाहिन्छ, उनले भने । अहिले पालिकामा भएको विकासको बजेट प्रदेश सरकारबाट आएको भन्दै स्थानीय सरकारको काम सेवाप्रवाह गर्ने र साना योजनाहरुको काम गर्ने हो उनले भने । संघीयता आइसकेपछि विकासको जिम्मेवारी प्रदेश सरकारको हो त्यसैले संघीयता विरोधी बहसलाई खारेज गर्नुपर्छ जम्कट्टेलले भने ।
सोमवार मन्थली माध्यमिक विद्यालयको नवनिर्मित भवन हस्तान्तरण तथा उद्घाटन कर्यक्रमलाई संबोधन गर्दै उनले यस्तो बताएका हुन् । मुख्यमन्त्री जम्कट्टेलले आगामी साउनदेखि ५० लाख भन्दा मुनिका योजनामा स्थानीय सरकारले काम गर्ने गरी आवश्यक काम भइरहेको पनि बताए । मुख्यमन्त्री जम्कटेलले अबको शिक्षा प्रयोगात्मक र व्यवहारिक हुनुपर्ने बताए ।