फ्रिजको कम्प्रेसर चोरी गर्ने पक्राउ

शुक्रबार, भदौ ७, २०८१ | onlinenews

Share this

रामेछाप- बुधवार राति प्रत्यूस् इन्टरप्राइजेज एण्ड सप्लायर्सबाट फ्रिजीको कम्पे्रसर चोरी गर्ने व्यक्तिलाई प्रहरीले पक्राउ गरेको छ । चोरी गर्ने मन्थली नगरपालिका–१ का ३९ वर्षिय हरिबहादुर खड्कालाई बिहीवार राति चोरीका सामानसहित पक्रउ गरिएको जिल्ला प्रहरी कार्यालय रामेछापले जानकारी दिएको छ । प्रत्यूस् इन्टरप्राइजेज एण्ड सप्लायर्सका प्रोप्राइटर युवराज सुवेदीले फ्रिजको सामान चोरी भएको प्रहरीलाई जानकारी दिएपछि प्रहरी निरीक्षकको नेतृत्वमा खटिएको टोलीले खड्कालाई पक्राउ गरी थप अनुसन्धान भइरहेको प्रहरीले जनाएको छ ।

बिहीवार बिहान ३ बजार २८ मिनेटको समयमा मन्थली बजारस्थित प्रत्यूस् इन्टरप्राइजेज एण्ड सप्लायर्सबाट फ्रिजीको कम्पेसर चोरी भएको थियो । सामान चोरी भएको बिहीवार दिउसो थापा भएपछि प्रत्यूस् इन्टरप्राइजेज एण्ड सप्लायर्सका प्रोप्राटर युवराज सुवेदीले प्रहरीलाई जानकारी दिएका थिए । सुवेदीका अनुसार गोदामसँगै बाहिर आगनमा राखिएको फ्रीजको कम्पेसर चोरी भएको थियो ।

गोदाम बाहिर आगनमा राखिएको कम्पे्रसर काटेर चोरी गरी लगेको सिसिटिभी फुटेजमा देखिएको चोरको हुलियासहित सुवेदीले प्रहरीलाई जानकारी दिएका थिए । वरिपरिको सिसि क्यामेरा हेर्दा रातोरातो सट र हाफ पाइन्ट लगाएको व्यक्तिले सामान झोलामा हालेर लगेको फुटेमा प्रष्ट देखिएको थियो । सोही हुलियाको आधारमा चोर पत्ता लगाउन समेत सहज भएको सुवेदीले बताए । सामान चोरी गर्ने खड्काको घर मन्थली बजार नजिकै रहेको छ । उनी पेन्सनवाला सैनिक समेत हुन् ।