पहिरो पीडितलाई रेडक्रसद्धारा राहत प्रदान
शनिबार, भदौ २२, २०८१
१२ साउन २०७४ रामेछाप
रामेछाप जिल्लाको साविकको तिल्पुङ्ग गाविस–४ तथा हालको लिखु गाउँपालिका–७ का नरबहादुर बुढाथोकीको हत्यारा प्रमेश बुढाथोकी १० वर्षपछि पक्राउ परेका छन् ।
घरायसी विवादलाई लिएर २०६४ साल साउन ६ गते धारिलो हतियार प्रहार गरि नरबहादुरको हत्या गरेर प्रमेश फरार रहेका थिए ।
फरार रहेका प्रमेशलाई जिल्ला प्रहरी कार्यालय रामेछापका प्रमुख प्रहरी नायव उपरीक्षक कुमोध ढुङ्गेल नेतृत्वको टोलीले यही साउन १० गते पक्राउ गरेको थियो । मंगलबार काठमाडौं महानगरपालिका–२७ स्थित जमलबाट पक्राउ परेका उनलाई बुधबार जिल्ला प्रहरी कार्यालय रामेछापमा पत्रकार सम्मेलनको आयोजना गरि सार्वजनिक गरेको हो ।
कर्तव्य ज्यान मुद्दाको फरार सूचिमा रहेका वुढाथोकि श्री भैरव सेक्युरिटी गार्ड प्रा.लि. थापाथली ललितपुर मार्फत सिनर्जी फाईनान्समा सेक्युरिडि गार्डका सुपरभाईजर पदमा कार्यरत थिए ।
मृतकका भिनाजु रामबहादुर श्रेष्ठको जाहेरीको आधारमा प्रहरीले हत्या गरि फरार रहेका बुढाथोकीलाई मंगलबार दिउँसो काठमाडौको असनवाट पक्राउ गरेको हो । पक्राउ परेको बुढाथोकीमाथि वुधवार जिल्ला अदालत कार्यालयवाट म्याद थप गरि कारबाही प्रक्रिया अघि बढाइएको जिल्ला प्रहरी कार्यालय रामेछापका प्रमुख कुमुध ढुंगेलले पत्रकार सम्मेलन मार्फत जानकारी दिए ।