चीनमा ७ म्याग्निच्यूटको भूकम्प, १३ को मृत्यु, १ सय ७५ घाइते

बुधबार, साउन २५, २०७४ | onlinenews

२५ साउन २०७४

चीनको सिचुवान प्रान्तमा ७ म्याग्निच्यूडको भूकम्प गएको चिनियाँ भूकम्प मापन केन्द्र (सिइएनसी)ले जनाएको छ । भूकम्पका परेर १३ जनाको ज्यान गएको छ । १ सय ७५ जना घाइते भएका छन् ।
ज्यान जानेमा ६ जना विदेशी पर्यटक रहेको रोयटर्सले जनाएको छ । स्थानीय समय अनुसार मंगलबार राति ९ बजेर १५ मिनेट जाँदा गएको भूकम्पको प्रभाव खासगरी जिउझाइगाओ क्षेत्रमा परेको बताइएको छ ।
भूकम्पको केन्द्रबिन्दु ३३ दशमलव २ डिग्री उत्तरी अक्षांश र १०३ दशमलव २ डिग्री पूर्वी देशान्तरमा २० किलोमिटर गहिराइमा परेको सिइएनसीले जनाएको छ । यही ठाउँमा सन् २००८ को मे महिनामा भूकम्प जाँदा ७० हजार मानिसको ज्यान गएको थियो । अहिले उद्दारमा स्थानीय बासिन्दा र प्रहरीहरु खटिरहेका छन् ।