शिक्षकमहासंघ खारेज गराएरै छाड्ने पुनरुत्थानवादीको घोषणा

सोमवार, पुस ९, २०७५ | onlinenews

Share this

काठमाडौं– उत्पीडित शिक्षकको न्यायमा दलाली गरेको आरोप लगाउँदै पुनरुत्थानवादी शक्ति नेपाल पार्टीमा आवद्ध अस्थायी शिक्षकहरुले शिक्षक कर्मचारीका संघ, संगठन, युनियन, महासंघ खारेज गर्ने उद्घोष गरेका छन् ।
केही दिन अघि शिक्षक महासंघ, शिक्षक सेवा आयोगलगायत माथि युद्धको घोषणा गरेको सो पार्टीले शिक्षक कर्मचारीका संघसंगठनहरुलाई अदालबाटै खारेज गराएरै छाड्ने उद्घोष गरेको हो ।
वर्षौदेखि सेवामा रहँदै आएका अस्थायी शिक्षकहरुलाई प्रतिशतमा बाडेर परीक्षा गर्न सहमति गरि हजारौं अस्थायी शिक्षकको जागिर खोसेको पुनरुत्थानवादीको आरोप छ ।
पार्टीकी प्रमुख नेता तारा बरालले शिक्षक महासंघ खारेजीका लागि आगामी पौष २० गते सर्वोच्च अदालतमा बहस हुने र अन्य शिक्षकका संघसंगठनहरु पनि खारेज गरेर जाने बताइन् ।
सरकारी सेवा सुविधा खाने शिक्षक महासंघ सरकारकै अंङ्ग भएकाले संगठन, युनियन बनाएर सरकार विरुद्ध आन्दोलन गर्न नपाउने जिकिर गर्दै शिक्षक कर्मचारीको न्यायका खातिर संगठन, युनियन खारेजीको विकल्प नरहेको बरालको भनाई छ ।
शिक्षकका संघसंगठन खारेजी गरेपछि आपूmहरुले राजनीतिक दलहरुको खारेजीमा लाग्ने र दलवीहिन शासन व्यवस्था शुरु गर्ने बरालले बताइन ।
सोही पार्टीका नेता शेखरजंग रायमाझीले अस्थायी शिक्षकमाथि शिक्षक महासंघ र सरकारले सधैँ खेलवाड गर्दै आएको आरोप लगाए । शिक्षक महासंघ कुनै हालतमा खारेज गराएरै छाड्ने पनि उनले बताए ।
आपूmहरुले नेपाल इस्टुको दर्ता खारेज गराएको र विद्यालय कर्मचारीको महासंघको आवद्धता समेत अदालतबाट खारेज गराएको बताउँदै रायमाझीले अब शिक्षक महासंघ र राजनीतिक दलहरु खारेज गराइ छाड्ने घोषणा गरे ।
राज्य र शिक्षकबीच पटक–पटक दलाली गर्ने र फाइदा लिने महासंघ रहेसम्म उत्पीडित शिक्षकले न्याय नपाउने तिवारीको भनाइ थियो ।