मलाई फसाउन राजनीतिक खेल भयोः वडा अध्यक्ष बोहरा

सोमवार, पुस १४, २०७६ | onlinenews

Share this

रामेछाप– मन्थली नगरपालिका–१० चनखुमा गत शुक्रबार भएको घटनाको विषयलाई राजनीतिक करण गरेर आपूmलाई फसाउने षड्यन्त्र भएको वडा अध्यक्ष भरतबहादुर बोहराले बताए । कुटाइ खाएका भनिएका देविबहादुर बोहरा मदीरा सेवन गरि झगडा गर्ने नियतले आफ्नो घरमा आएको वडा अध्यक्ष बोहराको भनाई छ । मदिरा सेवन गरि निहु खोज्दै मेरै घरमा आएर हातपात गर्ने प्रयास ग¥यो, त्यस क्रममा मेरो चस्मा समेत फुटेको छ उनले भने । देविबहादुरले आफूमाथि हातपतको प्रयास गरेपछि सामान्य ठेलमेल भएको भने वडा अध्यक्ष बोहराले स्वीकार गरेका छन् । देविबहादुर मदिरा सेवन गरेर गाउँमा सधैभरी झगडा गरिरहने र स्थानीयसँग पटक–पटक झगडा गर्दै मिलापत्र गर्ने ब्यक्ति भएकाले त्यस घटनालाई पनि आपूmले समान्य रुपमा लिएर घर पठाइदिएको अध्यक्ष बोहराको भनाई छ । समान्य घटनालाई राजनीतिककरण गरेर आफूलाई फसाउने षड्यन्त्र भएको उनको भनाई छ ।
गत शुक्रबार साँझ सडक खन्ने क्रममा झरेको माटोको विषयमा भएको सामान्य विवादमा वडाध्यक्ष भरत बोहोराले आपूmलाई कुटपिट गरेको देवीबहादुर बोहोराले आरोप लगाएका थिए । बाटो खन्ने क्रममा खेतमा झरेको माटो पन्छाइदिनु भनेर देवीबहादुर बाहोराले अनुरोध गर्दा वडाध्यक्षले हुदैन भनेपछि आपूmले जसरी पनि हटाइ दिनुपर्छ भन्दा वडाध्यक्षले आपूmमाथि कुटपिट गरेको उनको भनाई थियो ।
वडा अध्यक्षको कुटाइबाट घाइते भएको भन्दै देविबहादुर तामाकोशी अस्पताल मन्थलीमा भर्ना भएका थिए । कुटपिटबाट आफ्नो ढाड तथा कम्मर चलाउन समस्या भएको बोहोरा बताए । यद्यपि त्यस्तो समस्या केही नदेखिएको उपचारमा संलग्न चिकित्कको भनाई छ । तामाकोशी अस्पतालले समस्या नदेखिएको बताए पनि थप उपचारको लागि भन्दै उनलाई काठमाडौं लगिएको छ ।
कुटपिटको विषयलाई लिएर वडा अध्यक्ष भरतबहादुर बोहरा र उनको भतिजका विरुद्धमा प्रहरीमा ठाडो उजुरी परेको जिल्ला प्रहरी कार्यालय रामेछापले जनाएको छ ।