मन्थली नगर उप–प्रमुख काठमाडौं –हेटौंडाको सवारी पास लिएर साँघुटार गइन जन्त

९ फागुन, रामेछाप– मन्थली नगरपालिका उप–प्रमुख मायाकुमारी कार्कीले जन्त जान सरकारी गाडीको दुरुपयोग गरेकी छन् । मन्थली नगरपालिकाको कर्मचारी समेत रहेका सुवास काफ्लेको विवाहमा मन्थली नगरपालिका उप–प्रमुख कार्कीले सरकारी गाडीको दुरुपयोग गरेकी हुन् ।
फागुन ९ गते शुक्रबाट महाशिवरात्रीको सार्वजनिक विदा र १० गते शनिबार परेकाले मन्थली नगर उप–प्रमुख कार्कीले सरकारी कामको लागि भन्दै रामेछाप– काठमाडौं हुँदै हेटौंडासम्मको लागि जिल्ला प्रशासन कार्यालय रामेछापबाट सवारी पास लिएर रामेछाप नगरपालिकाको साँघुटारमा जन्त गएकी हुन् ।

उप–प्रमुख कार्कीले सरकारी साधनको दूरुपयोग मात्रै हैन, पदीय शक्तिको आडमा सवारी पासको समेत दूरुपयोग गरेकी छन् । जन्त गएको समेत भक्ता खाने योजनामा उप–प्रमुख कार्कीले सरकारी कामको लागि भनेर रामेछापबाट काठमाडौं– हेटौंडको लागि सवारी पास लिएर शुक्रबार साँघुटार जन्त गएकी हुन् ।

उप–प्रमुख कार्कीले रामेछाप–काठमाडौं, हेटौडाको लागि सरकारी कामकाजको लागि भन्दै सवारी पास लिएको रामेछापको सहायक प्रमुख जिल्ला अधिकारी भाष्कर दाहालले जानकारी दिए ।
कर्मचारीको विवाहमा जन्त गएकी उप–प्रमुख कार्की चढेको बा २ झ २४०७ नम्बरको सरकारी गाडी जन्तीले खचाखच भरिएको थियो । सार्वजनिक विदाको दिन नगरपालिका भित्रको सार्वजनिक कार्यक्रम बाहेक सरकारी सवारीको प्रयोग गर्न नपाइने मन्थली नगरपालिका प्रमुख रमेशकुमार बस्नेतले बताए ।

सार्वजनिक विदाको दिन नगरापालिकाको काम बाहेक अन्य काममा सरकारी सवारी साधान प्रयोग भएको पाइएमा नियन्त्रणमा लिन ट्राफिक प्रहरीलाई समेत आपूmले सुझाव दिएको नगर प्रमुख बस्नेतले बताए ।
सार्वजनिक विदाको दिन विशेष काम बाहेक विनाअनुमति सरकारी सवारी चलाउनु, सरकारी सवारीको दुरुपयोग मानिने जिल्ला प्रहरी कार्यालय रामेछाप प्रवक्ता प्रहरी निरीक्षक टेकेन्द्र शर्मा पौडेलले बताए ।
उप–प्रमुख आपूm सहित जन्ती लिएर गएको सरकारी गाडी प्रहरी चौकी साँघुटारको प्राङगणमा राखेर विवाहको भोजमा सामेल भएकी छन् । यस विषयमा उप–प्रमुख कार्कीसँग बुझ्दा सालुसम्म आफ्नो कार्यक्षेत्र भएको भन्दै कार्यक्षेत्र बाहिर घुम्न जाने अधिकार आपूmलाई भएको बताइन । आपूm जनप्रतिनिधि भएकोले सार्वजनिक विदा भए पनि घुम्न जानको लागि सरकारी गाडी लिएर घुम्न जान पाउँने दावि गरिन ।